Гавьяат жүжигчин, дуучин Д.Оюунтүлхүүр Япон улсад 35 жил ажиллаж, амьдрах хугацаанд хоёр орны соёлын харилцааг хөгжүүлэхэд хувь нэмрээ оруулж, Монголын түүх соёл, зан заншлыг өөрийн уран бүтээл, хандивын тоглолтуудаараа дамжуулан Япон төдийгүй гадаад орнуудад сурталчлан хүргэж байгаа уран бүтээлч юм.
Тэрбээр “Зүүдний аялгуу” тоглолтоо арваннэгдүгээр сарын 29-нд Соёлын төв өргөөд 18.00 цагаас хийх гэж байна.
“Зүүдний аялгуу” тоглолт нь түүний уран бүтээлийн замналын дурсамжит үдэш, хит дуунууд, эгшигт аялгуу, орчин үеийн хөгжмийн гайхамшиг, соёлын солилцоог нэгэн тайзанд нэгтгэсэн баяр, талархал, сэтгэлийн баяр байх юм.
Тоглолтод урилгаар дуучин А.Хаянхярваа оролцож, “Зүүдний учрал” дуугаа хамтран дуулах аж.
