“ETHNOSPHERE” төсөл нь хөгжим, уран зураг, хувцас загварыг нэгтгэсэн Монгол үндэстний соёл урлагийн нэгдэл юм. Уламжлалт соёлоо орчин цагийн жишигт цогц хэлбэрээр хөгжүүлэн оюуны шинэ бүтээлүүдийг үзэгч олондоо хүргэх нь төслийн зорилтуудыг нэг билээ. Цаашид “ETHNOSPHERE” төсөл Монгол Улсын уламжлалт үндэстний соёл урлагийн нэгдлийг олон улсад сурталчилан таниулахад чухал үүрэг гүйцэтгэх юм.
“ETHNOSPHERE” төслийн нээлтийн үйл ажиллагаа 2014 оны 04 дүгээр сарын 28-ны өдөр МҮХАҮТ-нд 19:00 цагаас зохион байгуулагдах бөгөөд дараахи гурван урлагийн төрлийг нэгтгэн хүргэнэ.
“ETHNOSPHERE” цомгийн танилцуулах арга хэмжээ
Үндэсний хөгжмийн тоглогдох арга барил, дуу авианы онцлогийг (Ethno, Electro, Dubstep, Chill Out, House, Classic) орчин үеийн урсгалуудтай хослуулсан дуу хөгжмийн нийт 10-н бүтээлээс бүрдсэн шинэ цомгийг танилцуулна.
“МОНГОЛ БРЭНД” загварын шоу
Өөрсдийн өнгө аяс, илэрхийллийг хэдийнэ олж, олонд танигдсан гурван загвар зохион бүтээгчийн бүтээлүүд үзэгчдийн хүртээл болно. Харин хөгжмийн аялгуу, хөг эгшгийг “ETHNOSPHERE” цомгийн зохиолууд бүрдүүлэх ба Монгол Модель агентлагийн шилдэг загвар өмсөгчид дизайнеруудын загварыг амилуулах юм.
“ХӨХ САЛХИ” уран зургийн үзэсгэлэн
Контемпорари чиглэлээр уран бүтээлээ туурвидаг зураач Б.Содномдаржаа “ETHNOSPHERE” цомгийн нүүр зургийг /Cover/ бүтээсэн бөгөөд нээлтийн үеэр цомгийн эх зураг болон өөрийн шилдэг бүтээлээ танилцуулна.
Төслийн ач холбогдол
Дэлгэрэнгүй
Монгол Улсад анх удаа соёл урлагийн өөр өөр төрөл жанарыг цогцоор нь нэгтгэж, соёл урлагаа нүүдэлчдийн уламжлалт сонгодог, дэлхийн соёлын ололттой жишиглэн хөгжүүлж шинэ шатанд гаргаж буй нь энэ төрлөөр сурч сонирхож буй залуусын оюун санааг тэлэх, үзэгч олонд урлагийн шинэ соргог мэдрэмжийг мэдрүүлэх ач холбогдолтой.
Дэлхийн соёл урлаг, хөгжмийн ертөнцөд хүлээн зөвшөөрөгдсөн гадаадын мэргэжлийн байгууллагууд уг төсөлд албан ёсоор хамтран ажиллаж байгаа нь Монгол Улсын соёл урлагийн бодлог, дэлхийн хэмжээнд үнэлэгдэх, өрсөлдөх, олон улсад цогц хэлбэрээр танигдах үндсийг бий болгож байна.
Дэлхийн оюуны өмчийн байгууллага BMI-тай хамтран ажиллаж байгаа нь уран бүтээлчдийн бүтээлийг дэлхийн жишигт хамгаалах, мөн эх орондоо Оюуны өмчийн зөрчлийг арилгах, багасгах ажилд хувь нэмэр оруулж, олон нийтэд уг ажлыг урлаг соёлоор дамжуулан сурталчилан таниулах үр дүнтэй.
Хөгжмийн зах зээлд чанар стандартыг хангасан, олон улсын оюуны өмчийн байгууллагаар хамгаалагдсан дуу хөгжим, уран зураг, хувцас загварын бүтээлүүд гадаадын зочид төлөөлөгчид, олон улсад зохион байгуулагдаж буй фестиваль, наадамд Монгол Улсын түүx уламжилал, үндэсний соёл урлагийг төлөөлөн өрсөлдөх, танигдах, сурталчилагдах боломжтой болох юм .
Монгол Улсын түүx, уламжлал, зан заншил, соёл урлагийн үндэс дээр соёолсон уг төсөл нь эх орондоо амжилттай зохион байгуулагдсанаарМонгол Улсын уламжлалт үндэстний соёл урлагийн нэгдлийг олон улсад сурталчилан таниулахад чухал үүрэг гүйцэтгэх юм.Цаашдаа ази, европийн үзэгчдэд хүрэх ажлын эхлэл болох юм.
www.URLAG.mn
