Гэнэрхэл
Одох төрөх ёс
Ончоо олохгүй зууралдхад
Орчлон хуурмаг гэнэм
Сэрэхүй
Нуруу тайгаараа өндөрсөж
Нутагт цасан будархад
Нууцхан хүйт даав
Инээд
Айсан зугтсан хоёр
Ар араасаа хөөцөлдөхнь
Амьдрал тоглоом байнам
Үнэн
Хазайхад гэмд унах
Хүрэл хаалга савлахнь
Хэм тэгш амьсгал
Оршихуй
Хясал эргэсэн ганцаардал
Хязгаар чанаддаа орчих нь
Хувь “би”-гийноршихуй
Төөрөгдөл
Сар тэрлэх шөнийн
Сүнс суудлаа олох нь
Салхины буруу урсгал
Буруу зүүд
Сэтгэлгүй бие орчлонд
Сүү ээдүүлэн хөвөрхөд
Сүүдэр надаас хол
Төсөөлөл
Зөн билэг ахуйгаа
Зөрүүлж нэг орлуулхад
Зүймэг цагаан төсөөлөл
Хэмжээс1
Ганцхэмжээсторчил
Гэмшилминьболвоос
Гэрч ньнасболой
Хэмжээс 2
Гурван хэмжээст оршил
Гуниг минь болвоос
Гэтлэх нь амьдрал болой
Саранд нулимсаа харуулах
Саарал газрын энэлэн
Санаа алдахын эмзэглэлтэй
Зүсээ шилгээсэн морь
Зүгээ гээсэн шувуу
Зөн эвлэхийн билэг
Нарантуяагийн Базардэрэг
