“ETHNOSPHERE" төслийн нээлтийн үйл ажиллагаа 2014 оны 04 дүгээр сарын 28-ны өдөр МҮХАҮТ-нд 19:00 цагаас зохион байгуулагдах гэж байгаа билээ.
“Хөх” Модон морин жил “ETHNOSPHERE” цомог мэндэлж байгааг билэгшээж, хүчирхэг хөх өнгийг эрэлхийлэгч зураач Б.Содномдаржааг цомгийн ”cover” нүүрний зураачаар сонгожээ. “ETHNOSPHERE” ҮНДЭСТНИЙ СОЁЛ УРЛАГИЙН НЭГДЭЛ төслийн нээлтийн үеэр зураач Б.Содномдаржаа өөрийн уран бүтээлийн “BLUE WIND” буюу “ХӨХ САЛХИ” үзэсгэлэнгээ толилуулахаас гадна “ETHNOSPHERE” цомгийн “cover” нүүрний эх хувийг үзэгч олонд танилцуулах юм.
“Хөх нар” Монголын орчин үеийн урлагийн төвийн гишүүн Зураач Б.Содномдаржаа нь Монголын өв уламжлалыг шингээсэн орчин үеийн урлагийн урсгал чиглэлийг баримтлан контенпорари чиглэлээр уран бүтээлээ тууривдаг.
Тэрбээр 2009 онд ДУДэС-ийг зураач мэргэжлээр төгсч, 2010 онд “Grand Art Exhibition” үзэсгэлэнгээс “Grand prize” шагналыг хүртсэн. 2013 онд “Мөнх гал” уран бүтээлийн бие даасан үзэсгэлэнгээ олонд толилуулж, өдгөө 20 гаруй уран зургийн үзэсгэлэнд амжилттай оролцоод байна. Түүний бүтээлийг хэнч харсан монголын ахуй соёл, абстракт хэллэг бүхий чөлөөтэй арга ажиллагаатай, үзэгчийн сэтгэл зүйд хүчтэй нөлөөлхүйц контемпирари хэллэгтэй байдаг аж.
www.URLAG.mn
