Иргэнээ эрхэмлэдэг нийгмийн өгөөмөр тогтолцоогоороо дэлхийд алдартай Скандинавын орнуудын нэрт хөгжмийн зохиолч Ян Сибелиусын таван симфони, хийлийн концертыг бүрэн хэмжээгээр анх удаа өнөөдөр эгшиглүүлэх гэж байна.
Концертын гоцлооч нь 1994 оноос хөгжимчнөөр ажиллаж буй СТА Д.Азбилэг юм. ХБК, СУИС-д суралцсан тэрбээр 2006 онд хөгжимчин Ц.Цэрэнлхамтай хамтарсан тоглолтоо хийж байсан бол 2003 онд Японы Токио хотод Азийн симфони фестиваль, 2009 БНХАУ-ын Хөх хотод олон улсын хөгжмийн наадам, 2014 онд Японы Шизуока мужид Фужи уулын баярт оролцон тоглосон. Улсын Филармонийн концертын танхимд 19:00 цагаас эгшиглэх сонгодог үдшийн удирдаачаар Б.Батбаатар ажиллана.
www.URLAG.mn
