Төрийн шагналт, Ардын жүжигчин, нэрт хөгжмийн зохиолч Сэмбийн Гончигсумлаагийн нэрэмжит “Төгөлдөр хуур, чавхдаст хөгжимчдийн улсын V уралдаан”-ыг 2025 оны арваннэгдүгээр сарын 20-25-ны өдрүүдэд Улаанбаатар хотноо амжилттай зохион байгуулж шилдгүүдээ тодрууллаа.
Уран бүтээлчээс тоглоочийн өндөр ур чадвар шаарддаг, мэргэжлийн уран бүтээлчдийн хүсэн хүлээдэг энэхүү улсын уралдаан 12 жилийн дараа нэрт хөгжмийн зохиолч С.Гончигсумлаагийн мэндэлсний 110 жилийн түүхэн ойн дээр эргэн ирж, монгол хөгжимчдийн шинэ үеийн өнгө төрхийг тодотгон харууллаа.
Уралдааны шагналтнуудыг танилцуулъя.
Төгөлдөр хуур:
- 1-р байр: Ж.Ариунзаяа
- 2-р байр: А.Мандалноров
- 3-р байр: Г.Мэргэншагай
- Тусгай шагнал: А.Мандалноров
- Тусгай шагнал: Т.Марал
- Тусгай шагнал: Ж.Азжаргал
Чавхдаст хөгжим:
- 1-р байр: Б.Билгүүн
- 2-р байр: О.Урангоо
- 3-р байр: Э.Хулан
- Тусгай шагнал: Т.Есүй (хийл)
- Тусгай шагнал: А.Хантөр (морин хийл)
Концертмейстр: Т.Нямсүрэн, Н.Ганчимэг
Монголын орчин цагийн хөгжмийн тулгуур багана, нэрт хөгжмийн зохиолч С.Гончигсумлаа нь ардын уламжлалт хөгжмийн урлагийг өрнө дахины “сонгомол” хөгжмийн хөгжилтэй холбож, монгол хөгжимд шинэ хөгжил, шинэ өнгө төрхийг авч ирсэн гайхамшигт шинэчлэгчдийн нэг билээ. Түүний авьяас билэг, тууштай хөдөлмөр бол өнөөгийн монгол хөгжмийн урлагийн үнэт өв, бат бэх суурь юм.
