“Маск” продакшны жүжигчин Э.Алдар, “Эмоци” продакшны жүжигчин Г.Анхбаяр хоёр нийлж дууны урлагт хүч сорих гэж байгаа аж. Тэд дуугаа аль хэдийнэ бэлэн болгочихсон бөгөөд тун удахгүй сонсогчдод хүргэхээр зэхэж байгаа сурагтай. Харин чухам ямар дуу дуулсанаа түр хугацаанд нууцалж байгаа ажээ.
Энэ мэдээг сонссон урлагийнхны зарим нь “Алдар ч яах вэ, хамтлагт дуулж явсан хүн. Дажгүй дуулчих байх. Харин Анхаа дуулж чадах уу” гэсэн асуултыг бие биедээ тавьж байгаа гэнэ. Тэр ч битгий өөрөөс нь хүртэл энэ асуултыг асууж, шарыг нь хөдөлгөсөн нөхдүүд мэр сэр байгаа ажээ.
Харин жүжигчин Анхаа өөрийнхөө уран бүтээлийг тун удахгүй цацаж, дуулж чаддаг эсэхээ харуулах юм байна. Бүр дуундаа клип хүртэл хийгээд амжсан гэнэ.
Эх сурвалж: www.mminfo.mn
Н.Пунцагболд
