Монголын хувцас загварын ертөнцийн хамгийн том наадам болох “Гоёл”-ыг Монголын дизайнеруудын холбоо 38 дахь жилдээ зохион байгууллаа. “Гоёл-2026” наадмын 25 дахь “Топ модель”-оор загвар өмсөгч Т.Батцэцэг тодорсон юм.
Т.Батцэцэг “Мисс монголиа-2010” наадмын дэд миссээр шалгарч, үргэлжлүүлэн 2012 онд Филиппинд болсон “Эх дэлхийн мисс” 12 дахь удаагийн наадамд таван тивийн 80 гаруй орны бүсгүйчүүд 21 номинацид өрсөлдсөнөөс “Усны хувцастай үзүүлбэр” төрөлд гуравдугаар байр эзлэн хүрэл медаль хүртэж байв. Мөн БНХАУ-д зохион байгуулагдсан “Miss Tourism Queen Intentional-2013” олон улсын миссийн тэмцээнээс “Усны хувцастай мисс”, “Хамгийн дэгжин мисс” шагналыг хүртэж байлаа.
Тэрбээр 2014 онд хүн төрөлхтний гоо үзэсгэлэнгийн олимп гэгддэг Дэлхийн миссийн тэмцээнд эх орноо төлөөлөн оролцож, дэлхий дахинаа дахин давтагдашгүй өв соёл, уламжлал, ондоошлоо гоо үзэсгэлэн, авьяасаараа харуулж чадсан юм.
Өдгөө Т.Батцэцэг жүжигчин, загвар өмсөгч, эрх зүйч гэсэн мэргэжлийг эзэмшиж гурван өөр салбарт өөрийгөө сорьж яваа хөдөлмөрч нэгэн юм. Тэрбээр “Том дөрвөн толгой”, “Залуу нас” болон “Бэрүүд” олон ангит кинонд тоглоод буй.
