Дэлхий дахин морин хуур хөгжмөөр дамжуулан Монголын соёл урлагийг сурталчлах зорилготой зохион байгуулдаг “Морин хуурын олон улсын” наадам дөрөв дэх удаагаа боллоо.
Хоёр жил тутамд зохион байгуулдаг тус олон улсын наадам нь энэ сарын буюу дөрөвдүгээр сарын 26-наас эхлэн ирэх тавдугаар сарын 1-ны хооронд болж өнгөрлөө. Морин хуурыг сурч, судалж буй олон улсын сонирхогч судлаачдын хамтын ажиллагааг өргөжүүлэн, дэлхий дахинд морин хуур хөгжмийг таниулан сурталчилдаг тус олон улсын наадмыг анх 2008 онд зохион байгуулж байсан юм.
Дэлхийн морин хуурын холбооноос зохион байгуулсан олон улсын морин хуурын IV наадамд найман улс орны 200 гаруй уран бүтээлчид болоод морин хуур урлаачид, судлаач эрдэмтэд оролцсон томоохон наадам болсон юм. Энэ үеэр морин хуур сонирхогчдын дунд зохион байгуулсан тэмцээнд арлын орны морин хуурч Хорикава Махиро тэргүүн байранд орсон бол манай улсын А.Балжинням, Т.Баатархүү нар удаах байранд шалгарсан байна.
www.URLAG.mn
