Их Британийн дуучин, гитарчин Крис Ри өвчний учир 74 настайдаа энэ ертөнцийг орхилоо.
Ри 1951 оны гуравдугаар сарын 4-нд Английн Мидлсбро хотод төржээ. Багаасаа дуу хөгжимд дуртай байсан тэрбээр 1978 онд ая дууны замналаа эхлүүлсэн юм. Ри 25 цомог гаргахдаа блюз, поп, соул, софт-рок зэрэг олон төрлөөр туурвиж байв. Хамгий алдартай хит нь “The Road to Hell, Driving Home for Christmas”, “On the Beach”, “Josephine” байлаа. Ри нийт 40 сая пянз зарсан амжилттай уран бүтээлч байв.
Тэрбээр Жоан Леслитэй гэрлэж, Жозефина (1983), Жулия Кристина (1989) гэсэн хоёр охинтой болсон.
Сүүлийн хэдэн жил тэрбээр эрүүл мэндийн асуудалтай байлаа. 2010 онд хорт хавдрын хагалгаанд орж, 2016 онд цус харвасан байжээ.
