Их Британийн цагдаагийн газраас жүжигчин Расселл Брэндийг хүчингийн нэг, бэлгийн халдлагын нэг шинэ хэрэгт буруутгагдсан талаар мэдэгдэв. Уг шинэ хэргүүдийг нь Прокурорын албанаас баталсан бөгөөд хоёр өөр эмэгтэйтэй холбоотой аж. Ингэснээр энэ оны дөрөвдүгээр сард дөрвөн эмэгтэйтэй холбоотой таван хэрэг дээр нь нэмэгдэх аж. Өмнө төлөвлөсөн ялд хоёр удаагийн хүчин, ёс бус халдлагын нэг, бэлгийн халдлагын хоёр хэрэг багтсан бөгөөд эдгээр нь 20 гаруй жилийн өмнөх үйлдлүүдтэй нь холбоотой юм.
Энэ жил 50 настай Рассэл Брэнд 2026 оны нэгдүгээр сарын 20-нд шинээр бүртгэгдсэн хэрэгтэйгээ холбоотойгоор Вестминстерийн Магистратын шүүхээр орно.
Харин өмнөх таван хэрэгтэй холбоотой шүүх хурал зургаадугаар сарын 16-нд Лондонд болохоор товлогджээ.
Рассэл Брэнд анхны хэрэг нь нийтэд дэлгэгдэхэд “залуу байхдаа тэнэг, бэлгийн донтолттой хүн байсан” гэдгээ хүлээн зөвшөөрсөн ч “би хэзээ ч хүчин үйлдэгч байгаагүй” гэж мэдэгдсэн юм. Анхны мөрдөн шалгалт 2023 оны есдүгээр сард Channel 4 телевизийн “Dispatches” нэвтрүүлэг болон The Sunday Times сонинд нийтлэгдсэн гомдол, мэдээллүүдийн дараа эхэлжээ.
