Холливудын жүжигчин Орландо Блумээс салаад супермодель Миранда Керр янз бүрийн зүйл сэдэх болжээ. Өнөөдрөөс эхлэн худалдаанд цайны иж бүрдэл гарч байгаа юм. Түүний дизайныг Миранда зохиосон аж. Энэ хагас тунгалаг шаазан эдлэлийн дизайныг Керр бүсгүй Их Британийн нэгэн компанийн захиалгаар бүтээв.
Мэдээж, супермодель бүсгүй энэ цуглуулгын нүүр царай болсон бөгөөд зар сурталчилгаанд нь тогложээ. Иж бүрдлийн үнэ 200 доллар бөгөөд танилцуулах ажиллагаа тавдугаар сарын 16-нд Австралийн Сиднэй хотод болох гэнэ. Миранда хүүхэд байхдаа л эмээгийнхээ хамт энэ компанийн үйлдвэрлэсэн цайны иж бүрдэлд цайгаа уудаг байжээ.
Эх сурвалж www.wikimon.mn
