Монголын сэтгүүл зүйн салбарт өөрийн гэсэн хэрэглэгч, уншигчтай болж чадсан соёл, урлагийн мэдээ, мэдээллийн нэгдсэн WWW.URLAG.MN сайтын хамт олноос уншигч та бүхнийхээ энэ өдрийн амар амгаланг айлтган мэндчилж байна.
Хэвлэл, мэдээллийн байгууллага оршин тогтнож, бие даасан, хараат бус үйл ажиллагаа явуулахад уншигчдийн үнэлгээ, шүүмжлэл, санал, үзэл бодол хамгийн эрхэм байдаг. Тэр утгаараа Монголын сэтгүүлзүйн салбарт үгүйлэгдэж байсан соёл, урлагийн мэдээ, мэдээллийн нэгдсэн сайт болж, мэдээллийн технологийн дэвшил, хурд, чанарыг эрхэмлэж ажиллахыг хичээж ирсэн манай хамт олны хувьд уншигч та бүхэн амжилтын маань үндэс билээ.
Цахим сэтгүүлзүйн хөгжилд үнэтэй хувь нэмрээ оруулж яваа эрхэм уншигч та бүхэн минь 2026 ондоо шижгэр амжилтыг гаргаж, амьдралдаа цог золбоотой, аз од нь гийсэн сайхан жил байх болтугай хэмээн ерөөл өргөе.
Бидэнтэй үргэлж хамт байдаг уншигч, хамтран ажилладаг байгууллага, хувь хүн та бүхэндээ мэдээллийн WWW.URLAG.MN сайтын хамт олны зүгээс талархал илэрхийлж байна.
Хэвлэл мэдээллийн салбарт шинийг санаачлан, үйл ажиллагаа өргөжүүлсэн манай хамт олон ирэх онд илүү ихийг санаачилж, соёл, урлаг, шинжлэх ухаан, танин мэдэхүйн салбарын мэдээллийг шуурхай түгээж, залуустаа урам хүчийг өгсөн гэгээлэг мэдээ мэдээллийг хүргэж ажиллах болно.
Цаг хугацааны түүх болон үлдсэн хуучин оноо
Цаглашгүй их амжилт бүтээлээр үдэж
Он цагийн тооллоор учран золгож байгаа шинэ жилээ
Од хийморьтой угтаарай!
