Японы Тамагочи тоглоом 1990-ээд онд хүүхдүүд, эцэг эхчүүдийн дунд ихээхэн алдартай байв. Тамагочи буюу виртуал орчинд амьтан тэжээдэг тус тоглоом энэ жил 30 нас хүрч байна.
Үйлдвэрлэгч “Бандай Намко” компани 30 жилийн ойдоо зориулж Токио хотод тусгай үзэсгэлэн нээжээ. Тус үзэсгэлэн дээр Тамагочигийн анхны хар цагаан дэлгэцтэй байсан үеэс эхлээд “Wi-Fi”-д холбогддог болсон үе хүртэлх бүх хувьслыг харуулсан байна.
Тамагочи анх худалдаанд гарснаасаа хойш дэлхий даяар 100 сая гаруй ширхэг зарагдсан байна. Харин сүүлийн үед залуус түлхүүрийн оосорноос эхлээд янз бүрээр загварын дагалдах хэрэгсэл болгон ашиглах болжээ. Тиймдээ ч энэ төрлийн барааны борлуулалт 2019 оноос хойш таван жилийн хугацаанд долоо дахин өссөн байна. Борлуулалтын бараг тал хувь нь Японд, 33 хувь нь Америкт, харин Ази, Номхон далайн бусад оронд ердөө хоёр хувь нь байсан аж.
Британийн жижиглэн худалдаа эрхлэгч “Hamleys” компани өнгөрсөн жил Тамагочиг бүх цаг үеийн шилдэг 100 тоглоомын жагсаалтад “Lego”, Рубик шооны хамт оруулжээ.
