БНХАУ-ын Харбин хотод уламжлал болгон зохион байгуулдаг мөсөн баримлын наадам энэ сарын 5-нд эхэллээ. 27 дахь жилдээ болж буй эл наадам 1963 оноос эхтэй бөгөөд дэлхийд хамгийн том цас, мөсний баярт тооцогддог. Өнөө жилийн наадамд нийт 1,2 сая кв/метр талбайд 400 мянган кубметр мөс ашигласан ба баримлуудыг 12 дугаар сарын сүүлээс эхлэн урлаж эхэлжээ. Нэг сарын турш үргэлжлэх эл наадам өнөө жил “Цас, мөс – үлгэрийн ертөнц” сэдвийн дор зохион байгуулагдаж байна.
