Өнгөрсөн 2-р сард зураг авалтаа эхлүүлээд байсан найруулагч Б.Цогтбаярын бүтээл “Луйвар” монголын уран сайхны шинэ кино энэ сарын 7 ны өдөр буюу өнөөдөр бүх кино театруудаар нээлтээ хийх гэж байна.
Кино группынхний ажил чамлахааргүй хугацаанд амжилттай явагдаж, ийнхүү үзэгч олонд нээлтээ хийх болсонд уран бүтээлчид баяртай байгаа юм. Манай нийгэмд улам бүр лавшин бугшсаар буй луйвар хэмээх хар толбоны “жатга”-ыг арилгахыг хүссэн үзэл санаагаар уран бүтээлч н.Пүрэв зохиолоо бичсэн бол , найруулагч Б.Цогтбаяр энэ санааг тод томруун харуулж, жинтэй уран бүтээлийг үзэгч түмэндээ хүргэхийг зорьжээ. СТА С.Ариунбямба, Ч.Ундрал, Баярхүү зэрэг жүжигчид гол дүрийг нь амилуулсан бол ерөнхий зураглаачаар Ц.Энхцогт, хөгжмийг Оки бичиж, эвлүүлэгчээр Э.Энхтулга хэмээх залуу ажиллажээ. Ямартаа ч сайн сэдэв, сайн уран бүтээлчдийн хөдөлмөрийн шимээр нэгэн шинэ уран бүтээл үзэгч түмэнд хүрэх нээ.Өнөөдөр нээлтээ хийх “Луйвар” киноны уран бүтээлчдэд ажлын амжилт хүсэн ерөөе.
www.URLAG.mn