Дэлхий дахинаа жил бүрийн тавдугаар сарын 8-ны өдрийг Олон улсын улаан загалмайн өдөр болгон тэмдэглэн ирсэн уламжлалтай. Манай улсын хувьд энэ өдрийг “Хүмүүнлэгийн өдөр” нэрийн дор 2011 оноос тэмдэглэн ирсэн байна.
Энэ өдрийг тохиолдуулан МУЗН-ийн Залуучуудын улаан загалмай хөдөлгөөнөөс Битлзын талбайд цусны донорын үйл ажиллагааг дэмжсэн "Дусал 400" парадыг 16-17 цагийн хооронд зохион байгуулах ажээ. Сонирхуулахад, НҮБ-ын Ерөнхий Ассамблей Олон улсын хүмүүнлэгийн тусламжийн өдрийг тэмдэглэж байх шийдвэрийг таван жилийн өмнө гаргаж байжээ. Энэ өдрийг одоогоос 10 жилийн өмнө буюу 2003 онд Иракийн нийслэл Багдад хот дахь НҮБ-ын төв байранд халдлага үйлдсэн өдөр тэмдэглэж байхаар тогтжээ. Тухайн үед халдлагын улмаас олон улсын байгууллагын 22 ажилтан амь насаа алдсан байна. Нас барагсдын дунд НҮБ-ын нэрт зүтгэлтэн Сержиу Виейра ди Меллу байсан аж. Энэ өдөр дэлхий дээр хүмүүнлэгийн чиглэлээр үйл ажиллагаа явуулдаг бүх байгууллага хүмүүнлэгийн аян өрнүүлэхээс гадна хүмүүнлэгийн салбарын тухай иргэдэд мэдээлэл өгөхийг чухалчилдаг байна. 2009 онд анх удаа тэмдэглэсэн Олон улсын хүмүүнлэгийн тусламжийн өдрөөр дэлхийн ихэнх улсад бусдыг аврах үеэр амь насаа алдсан иргэдийн дурсгалыг хүндэтгэж байжээ.
П.Наран
