“Спорт–хөгжим, соёл–биднийг нэгтгэх мэдрэмж” уриан дор “Playtime” хөгжмийн наадам, Монголын сагсан бөмбөгийн холбоо болон Үндэсний дээд лиг гурван жилийн хамтран ажиллах гэрээг байгуулжээ.
“Playtime” хөгжмийн наадам нь энэ жил 24 дэх удаагаа зохион байгуулагдах гэж байгаа бөгөөд тус наадамтай Үндэсний сагсан бөмбөгийн холбоо хамтран ажиллаж буй нь хүүхэд, залуучуудын чөлөөт цагийг зөв боловсон өнгөрүүлэх, спортоор дамжуулан соёл, урлагт ойртох боломжийг бүрдүүлэх, идэвхтэй амьдралын хэв маягийг түгээн дэлгэрүүлэхэд чухал ач холбогдолтой юм.
