Хятадын “Xinhua” агенлагийн мэдээлснээр Бразилийн тал ДАШТ-ийг хүртэл цэнгэлдэх хүрээлэнгүүдэд олон нийтийг хамарсан арга хэмжээ, концерт, шоу зохион байгуулахгүй байж магадгүй гэнэ. Учир нь саяхан Форталезе хотноо болсон Элтон Жоны концертыг үзэхээр олон хүн цугларсны улмаас “Кастелау” цэнгэлдэх хүрээлэнгийн зүлгийг гэмтээсэн аж.
“Бразил 2014”-ийн Зохион байгуулах хорооны дарга Фредрик Нантес энэ явдлын дараа “Хэдийгээр бид стадионыг эзэмшдэггүй ч олон нийтийг хамарсан арга хэмжээ зохиохын эсрэг байна. Учир нь Бразил орон ДАШТ-ийг амжилттай зохион байгуулах үүргийг дэлхий дахины өмнө хүлээсэн. Тийм болохоор ямар нэгэн эрсдэл гаргахгүй байх ёстой” гэж мэдэгдсэн юм. Үүний улмаас тавдугаар сарын дундуур “Кастелау”-д зохиогдох байсан Латин Америкийн хөгжмийн хаан гэгддэг Роберто Карлосын шоу цуцлагдаж магадгүй байна.
Р. Манлай