Мексикийн Ерөнхийлөгч Клаудиа Шейнбаум БНСУ-ын Ерөнхийлөгч И Жэ Мёнд хандахдаа алдарт BTS хамтлаг улсад нь илүү их тоглолт хийхэд туслах хүсэлт тавьжээ. Шейнбаум даваа гарагт /2026.01.26/ хэвлэлийн бага хурал хийхдээ BTS-ийн тоглолтод хүн болгон л явахыг хүсэж байна гэсэн юм. Тэрбээр “Нэг сая орчим хүн тасалбар авах сонирхолтой байгаа ч зөвхөн 150 мянган тасалбар л байна” гэжээ.
Бүх гишүүд нь цэргийн албаа дүүргэсэн тул BTS энэ гуравдугаар сард “ARIRANG” нэртэй цомгоо гаргаж, эргэн ирэхээр төлөвлөж байгаа. Тус хамтлаг цомог гаргаагүй гурван жил болоод байгаа билээ. Цомгоо гаргасныхаа дараа буюу дөрөвдүгээр сард BTS дэлхийн аялан тоглолт хийнэ. Аялан тоглолт зарлагдсаны дараа дэлхий даяар шүтэн бишрэгчид нь тасалбар олж авах гэж оролдох болсон юм. Гэвч фэнүүд борлуулалтын асуудалтай тулгарсан тул тасалбар авч чадаагүй байна. Энэ асуудал Мексикийн фэнүүдэд ч гэсэн тулгарчээ.
Мексикийн хэрэглэгчийн хяналтын байгууллага тасалбарыг худалдсан “Ticketmaster” компанийг шалгаж эхлэн “StubHub” борлуулалтын платформыг хориглосон байна. Мөн тасалбар зардаг “Vigago” компанийг BTS-ийн тоглолтын тасалбарыг зарахдаа шударга бус арга барил ашигласан гэж буруутгасан аж.
