Хөгжмийн ертөнцийн шилдгүүдийг тодруулах 68 дахь удаагийн “Грэмми” шагнал гардуулах ёслол Лос Анжелес хотын “Crypto.com” аренад боллоо.
Энэхүү наадамд дуучин Шер оролцож, “Lifetime Achievement Award” буюу хүндэтгэлийн шагнал гардлаа.
Тэрбээр шагналаа гардах үеэрээ “Би таван настайдаа л хэн болохоо мэддэг байсан” хэмээгээд “Мөрөөдлөөсөө хэзээ ч бүү бууж өгөөрэй” гэж уриалжээ.
Өдгөө 79 настай дуучин Шер 16 настайгаасаа уран бүтээлийн замналаа эхлүүлсэн бөгөөд өнөөг хүртэл хөгжмийн ертөнцийн оргилд байсаар буй юм. Тэрбээр карьерынхаа туршид 100 гаруй сая хувь пянз борлуулсан бүх цаг үеийн хамгийн шилдэг уран бүтээлчдийн нэг. Тэрбээр өнгөрсөн хугацаанд “Грэмми”, “Эмми”, “Алтан бөмбөрцөг” тэр ч бүү хэл Каннын кино наадмаас ч шагнал хүртэж байжээ.
