Б.Энэрэл буюу Enny, Я.Эгшиглэн буюу Melody нар БНСУ-ын к-поп салбарт дэбютээ хийхээр болсон.
Тодруулбал, “Troy Entertainment”-ийн гаргаж буй “Навиллэра” гэх хамтлагт Б.Энэрэл буюу Enny, Я.Эгшиглэн буюу Melody нар дэбютээ хийх нь тодорхой болсон бөгөөд тус хамтлаг нь дөрвөн гишүүнтэй байна. Үлдсэн хоёр гишүүн нь Солонгос охид юм. Б.Энэрэл гол хоолой, реппер гэсэн үүрэгтэй бол Я.Эгшиглэн гол хоолойн үүрэгтэй. Тэгвэл “Навиллэра” хамтлаг уржигдар /2026.02.03/ албан ёсоор дэбют хийж, “No limit” нэртэй анхны дуугаа цацлаа.
