АНУ-д 60 дахь удаагийн “Super Bowl” америк хөлбөмбөгийн аваргын төлөөх тэмцээн боллоо. Эл тэмцээний “Super Bowl Half Time Show” буюу хагас цагийн тоглолтод Пуерто Рикогоос гаралтай реппер Bad Bunny дуулж, Лэди Гага, Рики Мартин нар түүнтэй нэгджээ.
Энэ удаагийн хагас цагийн тоглолтын өнгө үзэмж нь бүхэлдээ Латин Америк соёл байв. Тэрбээр тайзан дээр гарж ирэхдээ испани хэлээр “Намайг Антонио Мартинез Окасио гэдэг” гэж өөрийгөө танилцуулжээ. Хагас цагийн тоглолтоор дуулсан бүх дуу нь испани хэл дээр байв.
Саяхан “Грэмми”-ийн шагнал гардуулах ёслолоос шилдэг цомгийн шагналыг хүртсэн Bad Bunny-гийн хувьд “Super Bowl”-ийн хагас цагт дуулсан нь томоохон амжилт боллоо. Түүний тайзан дээр Аликс Эрл, Карди Б, Жессика Алба, Педро Паскал зэрэг одод бүжиглэж байв.
