Канад Улсын Ванкувер хотноо Монголын ноолууран бараа бүтээгдэхүүний хоёр дэлгүүр үйл ажиллагаагаа явуулж байна.
“Apricity” дэлгүүр 2024 онд үүд хаалгаа нээж, “Apricity” нэрийн брэнд болон “Говь”, “Тоонот Кашмер” зэрэг брэндийн 100 хувь ноолууран цамц, ороолт, малгай зэргийг худалдаалж буй.
Мөн 2025 онд Ванкүвэр хотод “GERDENE” дэлгүүр хэрэглэгчдэдээ хаалгаа дэлгэж, уламжлалт аргаар бэлтгэсэн “GERDENE” брэндийн 100 хувь ноолууран бараа бүтээгдэхүүнийг худалдан борлуулж байна.
Канадын иргэдэд Монголын ноолууран бараа бүтээгдэхүүнийг ойртуулж, уг бүтээгдэхүүний дулаан, зөөлөн, бат бөх чанар, өвөрмөц онцлогийг таниулахад дээрх дэлгүүрүүд өөрсдийн хувь нэмрийг оруулж байна гэж тус улсад суугаа Монгол Улсын ЭСЯ-наас мэдээллээ.
