К-попын тод од G-Dragon энэ жил “Bigbang” хамтлаг албан ёсоор эргэн ирэлт хийхээр болсон гэдгийг мэдэгджээ. Энэ жил тус хамтлаг анх дебютээ хийсний 20 жилийн ой тохиох юм.
“Galaxy Corp” агентлаг мэдээлснээр G-Dragon Сөүл хотноо амралтын өдрүүдэд болсон арга хэмжээний үеэр фэнүүдтэйгээ уулзахдаа эргэн ирэлт хийнэ гэж хэлсэн байна.
Тэр “Энэ жил “Bigbang” хамтлаг дебют хийснийхээ 20 жилийн ойг тохиолдуулан эргэн ирнэ. Хамтлагийнхаа гишүүн болон фэний хувьд би үүнийг тэсэн ядан хүлээн байна. Бусад гишүүд маань ч мөн хүлээж байгаа. Хавар ойртож байгаа тул цэцэгс дэлгэрч буй зам дагуу түр амарч, жаахан хүлээгээрэй” гэж хэлжээ. Үүний зэрэгцээ G-Dragon АНЭУ-д хоёрдугаар сарын 17-нд “Krazy Super Concert” тоглолтод дуулахаар бэлтгэж байгаа юм.
