2017 оны “Phantom Thread” драмын хөгжмийг зохиосон гитарчин, хөгжмийн зохиолч Жонни Гринвүүд бүтээлийг нь маргаантай баримтат кинонд дахин ашигласан нь гэрээ зөрчсөн гэж үзжээ.
“Radiohead” хамтлагийн гишүүн Жонни Гринвүүд болон найруулагч Пол Томас Андерсон нар 2017 онд бүтээсэн “Phantom Thread” киноныхоо хөгжмийн нэг хэсгийг Меланиа Трампын баримтат киноноос хасахыг хүсжээ.
Гринвүүд мэдэгдэлдээ, уг хөгжмийг ашигласан нь түүний хөгжмийн зохиолчийн гэрээг зөрчсөн үйлдэл гэж үзэж байгаагаа илэрхийлсэн байна.
“Phantom Thread” киноны нэг хэсэг хөгжим Меланиа Трампын баримтат кинонд ашиглагдсаныг бид анзаарлаа” хэмээн Гринвүүд болон Андерсоны төлөөлөгчид Variety сэтгүүлд өгсөн хамтарсан мэдэгдэлд дурджээ.
Түүний өмгөөлөгчид хэлэхдээ, Гринвүүд уг хөгжмийн зохиогчийн эрхийг өөрөө эзэмшдэггүй ч киноны түгээгч “Universal” гуравдагч этгээдэд ашиглуулах талаар Жоннитой зөвлөлдөөгүй нь “хөгжмийн зохиолчийн гэрээг зөрчсөн хэрэг” гэж мэдэгдсэн байна. Иймээс Жонни Гринвүүд болон Пол Томас Андерсон нар уг хөгжмийг баримтат киноноос хасуулахыг хүссэн гэжээ.
