“Идүган энтертайнмент” студийн уран бүтээл “Бардо” хэмээх уран сайхны кино удахгүй нээлтээ хийх гэж байна /Бардо гэдэг нь хоёрын хооронд, аливаа оршихуйн завсар гэсэн утгыг илэрхийлсэн түвд үг аж/.
Зургаа дахь мэдрэхүй хүн бүрт байдаг. Гэвч түүнийгээ нээж мэдэрч чаддаг нь тун цөөхөн. Зарим тохиолдолд хорвоогийн сайн мууд өрөвч зөөлөн, чин сэтгэлээр хандсан нэгэнд заяагддаг байна. Сэтгэлийнхээ хатаар амьдралын хатууг даван туулсан шар хантаазтан Алагааг, залуухан бүсгүйн сүнс сонгожээ.
Хорвоод үлдэх бяцхан хүүгийнхээ хувь заяанд санаа зовсон сүнс, хүний ертөнцөд байх багахан хугацаандаа Алагаагийн тусламжтайгаар бүхнийг хийж эхэлнэ.
Сүнсний хүсэл биелэх болов уу…?
www.URLAG.mn