XVII жарны Сүрээр дарагч хэмээх гал морин жилийн Сар шинийн баярыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
“Үнэн” сонины газраас ажил, амьдралынхаа гарааг эхлүүлэн, сэтгүүлзүй, соён гэгээрэл, боловсролын салбарт 50 шахам жил хөдөлмөрлөхдөө “Эх газрын чулуу”, “Хар усны нуурын хаялга”, “Өвгөн цохио” тэргүүтэй 100 гаруй өгүүлэл, туужийг туурвиж, Монголын уран зохиолын хөгжилд бодит хувь нэмэр оруулж, Монгол Улсад чөлөөт сэтгүүлзүй хөгжих, салбарын мэргэжлийн боловсон хүчнийг бэлтгэх, давтан бэлтгэх, ур чадварыг нь дээшлүүлэхэд хичээл зүтгэлээ дайчлан ажиллаж, нийгэм, улс төрийн сэдэвт олон арван нийтлэл, бүтээлээрээ дамжуулан ард олноо соён гэгээрүүлэх үйл хэрэгт оруулсан хөдөлмөр зүтгэлийг нь өндрөөр үнэлэн Монгол Улсын Эрдмийн их сургуулийн ахмад багш, доктор, профессор, зохиолч, сэтгүүлч Тугалхүүгийн Баасансүрэнд Монгол Улсын Ардын багш цол хүртээлээ.
