80 жилийн түүхэн замналтай урлагийн ууган байгууллагуудын нэг Хөвсгөл аймгийн Хөгжимт драмын театрын хамт олон бүрэн бүрэлдэхүүнээрээ Европын орнуудаар аялан тоглолт хийхээр болсон байна. Эх орноо сурталчлах энэхүү аялал энэ сарын 28-нд эхлэх бөгөөд гурван сарын турш үргэлжилж, Европын нүүр царай болсон 40 гаруй хотод хүрэх аж.
Монгол, Францын соёлын төв болон "Үүрдийн Монгол" төрийн бус байгууллагаас хамтран зохион байгуулаж буй аялан тоглолтоор хөөмий, уртын дуу, бий биелэгээ зэрэг ардын урлагийн үзүүлбэрүүд толилуулах юм.
Хөвсгөл аймгийн Хөгжимт драмын театрын уран бүтээлчид Европын орнуудад тоглох шилдэг үзүүлбэрүүдээ энэ удаад нйислэлчүүддээ зориулан энэ сарын 24-ний 15.00 цагаас Үйлдвэрчний соёлын ордонд тоглохоор болжээ. Нийслэлчүүд та бүхэн хоймор нутгийн урлагийн дээж болсон шилдэг үзүүлбэрүүдийг саатан болгоож уран бүээлчдээ дэмжээрэй.
