Холливудын жүжигчин Том Круз өөрийн 19 настай хүүгийн гаргасан үйлдэлд сэтгэл нь ихэд гонсойжээ. Жүжигчин Кэти Холмсоос төрсөн Сури охиноос гадна Крузд өөр хоёр өргөмөл хүүхэд байдгийн нэг нь Коннор Энтони билээ. Саяхан өгсөн нэгэн ярилцлагадаа Круз сэтгүүлчдэд хүү нь найз бүсгүйгээсээ салах шийдвэр гаргасанд ихэд гонсойсон гэдгээ өгүүлжээ. Хүү нь өөрөөсөө зургаан насаар эгч бүсгүйтэй үерхэж байсан аж. Ямар ч байсан тэдний харилцаа удаан үргэлжлээгүй бөгөөд Коннор бүсгүйгээс харьцаагаа тасласан гэнэ. Тэр бүсгүй гэр бүлийн зөв хүмүүжилтэй, дээр нь шашны сайентологийн урсгалыг дагагч нэгэн байсан нь Томын сэтгэлийг ихэд гонсойлгожээ. Круз өөрөө шашны энэ урсгалыг дээдэлдэг бөгөөд эгчмэд бүсгүй хүүд нь зөв нөлөөлөл үзүүлэх байсан хэмээн харамссан аж.
Эх сурвалж www.wikimon.mn