Хүслийн минь энгэрт нуугдах
Хяслыг би олж хараагүй
Халуун бүдэг аниргүйгээс
Хайрыг чинь би олж хараагүй
Мөнгөн гэрэлтэх нүднээс чинь
Мэлтгэнэх зүрхийг чинь би хараагүй
Сувдан дусал нулимснаас чинь
Сэтгэлийг чинь би олж хараагүй
Холдон одох хөлнөөс чинь
Хорогдох бүдрэлийг би хараагүй….
Бороонд балартах мөрнөөс чинь
Бурханы дүрийг би харлаа
Хүсэл тачааллын гүнд нуугдсан
Хайр байсныг би мэдсэнгүй
Догдлон цохилох зүрхнээс чинь
Далдлах энхрийлэлийг чинь би мэдсэнгүй
Сэвэлзэн найгах сэтгэлийг чинь
Сэмэлж байснаа ухаарсангүй
Духан дээр минь үнсээд одоход
Сүүлчийх гэж ойлгосонгүй
Бардам цагаан тэнгэр шиг заларч
Дардан замаар алхаж байснаа мэдсэнгүй….
Тэнгэр газрын заагт
Тэргэл сар шиг явснаас
Бүсгүй хүний хайранд эрхэлж
Бүлээн сэтгэлийн эгшигээр бүйвээлэгдэж
Нар шиг мандаж
Сар шиг гэрэлтэж байснаа ухаараагүй явжээ…..
www.URLAG.mn
