Сэм сэмхэн гунигаа амтлан дурсахдаа
Тэр тамхи татдаг…
Сэрэмгүй зүүдэнд түүнтэй уулзана гэж найдан
Тэр тамхи татдаг…
Тэвэр дүүрэн дурсамжаа санан суухдаа
Тэр тамхи татдаг…
Тэгээд өнгөрсөнд үлдсэн өөрийгөө өрөвдөн
Тэр тамхи татдаг…
Санаа алдан бодолд дарагдан хэвтэхдээ
Тэр тамхи татдаг…
Саяхан тэвэрт нь байсан түүнийг үгүйлэн
Тэр тамхи татдаг…
Салаад явсанд нь гомдохдоо нулимсаа тэвчин
Тэр тамхи татдаг…
Сэтгэлээ хууран ирнэ гэж хүлээн харуулдан
Тэр тамхи татдаг…
Шунал, тачаал, халуухан энгэрт нь ойртоход
Тэр тамхи татдаг…
Шалаар дүүрэн хувцас түүнийх нь биш болохоор
Тэр тамхи татдаг…
Шаналалдаа зүүрмэглэн үүр цайхыг хүлээхдээ
Тэр тамхи татдаг…
Шал танихгүй бүсгүйн өвөрт дурамжхан сэрэхдээ
Тэр тамхи татдаг…
Шартатлаа уун гунигаа умартах маргаашийн төлөөсөнд
Тэр тамхи татдаг…
Шалдаа буусан сэтгэлээ утаа болон замхруулах гэж
Тэр тамхи татдаг…
Тэр татсаар л байгаа… Тэр татсаар л… байгаа…
www.URLAG.mn
