Дэлхийн алдарт “Gorillaz” хамтлагийн шинэ богино хэмжээний анимэйшн кино “The Mountain, The Moon Cave and The Sad God” хоёрдугаар сарын 27-нд YouTube сувгаар нээлтээ хийхээр боллоо. Киноны анимэйшнийг “The Line Studio” бүтээжээ.
Албан ёсны дэлгэрэнгүй мэдээлэл хараахан гараагүй ч уг богино кино нь “Gorillaz”-ийн өвөрмөц ертөнц, философи өнгө аяс, уран сэтгэмжтэй дүрслэлийг шингээсэн байх төлөвтэй. Тэд өмнө нь клип, богино хэмжээний анимэйшнуудаараа хөгжмийн ертөнцийг кино, комик, визуал урлагтай холбож чадсан билээ.
“Gorillaz” хамтлагийг хөгжимчин Дэймон Албарн болон зураач Жэйми Хьюлетт 1998 онд байгуулж, 2-D, Murdoc, Noodle, Russel гэх хийсвэр дүрүүдээр дамжуулан хөгжим, урлагийн шинэ хэлбэрийг бий болгосон билээ.
Энэ удаагийн кино олон хүнд хүлээлт үүсгээд байна. Кино хоёрдугаар сарын 27-нд “Gorillaz” хамтлагийн албан ёсны Youtube сувгаар цацагдах юм.
