Жүжигчин Н.Баясаа, С.Батзориг, Г.Лхагвацэрэн, У.Цогтбаяр, Р.Сүхболд нар буюу “Xermel crew”-ийн уран бүтээлчид “In da House”, “In da House: Come back”, “In da House 3: in Korea”, “Хэрмэл жүжигчид” зэрэг адал явдалт, инээдмийн уран сайхны үзэгчдэд амжилттай хүргэж байв.
Тэгвэл тус хамт олон тун удахгүй тайзны уран бүтээлээр үзэгчидтэй уулзахаар болжээ. Тодруулбал, “Xermel crew”, “Orfey” театр хамтран Ц.Балдоржийн зохиол “Хориотой жүжиг”-ийг үзэгчдийн хүртээл болгох гэж байна. Жүжгийг “Фауст”, “Гэм зэм”, “Опал”, “Амьдрахуй”, “1984” зэрэг постдрамын жүжиг, “Хайрын виз”, “Шөнө дундын бүжиг” драмын жүжгийг найруулсан М.Батболд найруулжээ.
