Францын тэргүүлэгч кино шагнал гардуулах ёслол болох 51 дэх удаагийн Цезарийн шагнал гардуулах ёслол өнгөрсөн пүрэв гараг /2026.02.26/-т болж өндөрлөлөө. Эл ёсслолд инээдмийн киноны суут жүжигчин Жим Керри хүндэтгэлийн шагнал хүртлээ.
Тодруулбал, Канад-Америкийн жүжигчин Жим Керрид жүжиглэх урлагийн олон талт карьерыг нь үнэлж онцгой хүндэтгэл үзүүлсэн бөгөөд тэрбээр шагналаа гардахдаа францаар үг хэлжээ.
Өдгөө 64 настай Жим Керри карьераа стенд-ап комеди үзүүлбэрээс эхэлсэн бөгөөд 1990-ээд оны “Dumb and Dumber”, “The Mask” and “Ace Ventura: Pet Detective” зэрэг алдартай кинонуудад тоглосноор жинхэнэ амжилтаа харуулжээ.
Үүний дараа Жим Керри илүү ноцтой дүрүүд рүү шилжиж, “The Truman Show” (1998) кинонд тоглосноор “Алтан бөмбөрцөг” шагнал хүртэж байв.
Тэрбээр жүжигчин Кейт Уинслеттэй хамтран “Eternal Sunshine of the Spotless Mind” (2004) кинонд тоглосноор алдар нэрийг хүртсэн.
2020-иод оны эхээр кино ертөнцөөс холдохоос өмнө Жим Керри “Sonic” франчайз зэрэг хэд хэдэн олон улсын хит кинонуудад ажилласан юм.
Америкийн ахмад жүжигчин Ричард Линклейтер Жан-Люк Годдарын Францын сонгодог “Шинэ давалгаа” “Амьсгалгүй” киноны зураг авалтын тухай өгүүлдэг хар цагаан бүтээл болох “Шинэ бүдэг бадаг” киногоороо 2025 онд “Цезарс” кино наадмаас шилдэг найруулагчийн шагнал хүртжээ.
