98 дахь удаагийн “Оскар”-ын кино наадамд нэр дэвшиж буй онцлох кинонуудын сонирхолтой баримтуудыг хүргэж байна.
“ONE BATTLE AFTER ANOTHER”
Тус бүтээл нь 2026 оны “Оскар”-ын наадамд шилдэг кино, шилдэг найруулагч, шилдэг эрэгтэй гол дүр, зэрэг нийт 13 төрөлд нэр дэвшээд байгаа бөгөөд энэ жилийн хамгийн хүчтэй өрсөлдөгчдийн нэг юм.
“ELIO”
Кино шүүмжлэгчдээс сайн үнэлгээ авч, “Оскар”-т нэр дэвшсэн хэдий ч “Elio” нь 150-200 сая ам.доллароор бүтээгдээд, дэлхий даяар дөнгөж 154 сая ам.долларын орлого олсон. Энэ нь “Pixar” студийн түүхэн дэх хамгийн их алдагдал хүлээсэн, хамгийн муу нээлт хийсэн кинонуудын нэг болжээ.
“THE SMASHING MACHINE”
Жүжигчин Дуэйн Жонсон UFC-ийн домогт тамирчин Марк Керрийн дүрийг бүтээхийн тулд нийт 13 кг жин нэмж, дүр төрхөө эрс өөрчилж, маш их хүчин чармайлт гаргасан хэдий ч тус кино “Оскар”-т зөвхөн шилдэг нүүр хувиргалт төрөлд л нэр дэвшиж байна.
“SINNERS”
Майкл Б.Жордан нэг кинонд хоёр өөр дүр бүтээж, тэр дундаа аймшгийн/триллер төрлийн бүтээлээр “Оскар”-т нэр дэьшиж буй нь кино урлагийн түүхэнд маш ховор үзэгдэл болоод байна. Түүний жүжиглэлт нь ихэр ах дүүсийн зан төлөв, дуу хоолойны ялгааг гайхалтай гаргасан гэж шүүмжлэгчид үнэлж буй.
“ARMED ONLY WITH A CAMERA: THE LIFE AND DEATH OF BRENT RENAUD”
Найруулагч, продюсер Крэйг Рено, Хуан Арредондо нарын эл бүтээл нь дайны талбарт ажилласан сэтгүүлч Брент Реногийн амьдрал, амь үрэгдсэн түүхийг өгүүлнэ. Энэхүү бүтээлийг “Баримтат кино сэтгүүл зүйн ёс зүйн хил хязгаарыг хөндсөн, хүндэтгэлтэй хэрнээ зоригтой илэрхийлэл…” хэмээн онцолжээ.
“BUGONIA”
Энэ жилийн “Оскар”-ын эх бүтээлд тулгуурласан шилдэг кино зохиол төрөлд Вилл Трэйсигийн зохиол “Bugonia” кино шалгарах магадлал өндөртэй байна. Өвөрмөц өгүүлэмж, философи асуултуудаараа танигдсан зохиолч Чарли Кауфманы шинэ ажил. Шүүмжлэгчдийн үзэж буйгаар “Хачирхалтай, гаж мэт санагдах нөхцөл байдлаар дамжуулан хүний айдас, итгэл үнэмшлийн механизмыг задлан харуулсан” зохиол болсон гэжээ.
