Их Британийн алдарт парк болох “Chessington World of Adventures”-д “Minecraft” тоглоомоос сэдэвлэсэн цоо шинэ, том бүс байгуулагдаж байна. Төсөл 2027 онд нээгдэхээр төлөвлөгдөж байгаа бөгөөд ойролцоогоор 50 сая фунт стерлингийн өртөгтэй томоохон хөрөнгө оруулалт болж байна.
Энэхүү парк нь “Minecraft”-ийн ертөнцийг бодит орчинд мэдрүүлэх зорилготой бөгөөд дараах элементүүдийг багтаах гэнэ.
- Сэдэвчилсэн галт тэрэг болон галзуу хулгана
- Интерактив тоглоом, туршлага
- Хүүхэд, гэр бүлд зориулсан тоглоомын талбай
- “Minecraft” дэлгүүр, хоолны газрууд
Энэхүү төсөл нь “Mojang Studios”-тай хамтран хэрэгжиж байгаа бөгөөд тоглоомын албан ёсны дизайн, уур амьсгалыг аль болох бодитоор тусгахыг зорьж байна.
Шинэ бүсийг барихын тулд паркийн одоогийн нэг хэсгийг бүрэн шинэчлэх бөгөөд энэ нь “Chessington”-ийн түүхэн дэх хамгийн том өргөтгөл шинэчлэлийн нэг болох гэнэ.
“Merlin Entertainments”-ийн эзэмшдэг уг парк нь өмнө нь “Lego”, “Jumanji” зэрэг алдарт франчайзтай хамтран сэдэвчилсэн бүсүүдийг амжилттай нэвтрүүлж байсан туршлагатай.
“Minecraft” нь дэлхий даяар хамгийн их борлуулалттай видео тоглоомуудын нэг бөгөөд хүүхэд, томчууд гээд нас харгалзахгүй хүн бүр тоглосоор буй.
