“Eurovision 2026” уралдааны эхний хагас шигшээгийн шалгаруулалт мягмар гараг /2026.05.12/-т Вена хотноо боллоо. Финалын шатанд оролцох 10 эрхийн төлөө 15 орны уран бүтээлчид өрсөлдсөн байна.
Эхний шатны шалгаруулалтаас уралдаанд түрүүлэх хамгийн өндөр магадлалтайд тооцогдож байгаа оролцогчид болох Финландын хийлч Линда Лампениус, дуучин Пете Паркконен нарын дуэт, мөн Грекийн төлөөлөгч Akylos финалын шатанд шалгарчээ.
Тавдугаар сарын 16-ны бямба гарагт болох финалд мөн Израилын төлөөлөгч Ноам Беттан, Молдова улсын рэп дуучин Satoshi, Шведийг төлөөлж буй дуучин Фелисия, Хорватын Lelek хамтлаг, Литва улсаас оролцож буй Лайон Сикку, Польшийн дуучин Alicja, Сербийн Lavina рок хамтлаг, Бельгийн дуучин Essyla нар шалгарсан байна.
Шүүгчид болон телевиз үзэгчдээс авсан саналын дүнгээр Эстонийн трио Vanilla Ninja, Гүржийн дуучин Bzikebi, Черногорийн төлөөлөгч Тамара Живкович, Сан-Мариног төлөөлөн оролцсон Senhit болон Бой Жорж, мөн Португалын Bandidos do Cante хамтлаг тэмцээнийг дуусгалаа.
Хоёр дахь хагас шигшээгийн шалгаруулалт тавдугаар сарын 14-нд болно. Үүний дараа 10 оролцогч финалын шатанд нэмэгдэнэ. Их Британи, Герман, Итали, Франц улсууд уралдааныг зохион байгуулагч Европын өргөн нэвтрүүлгийн холбооны хамгийн том санхүүжүүлэгч орнууд тул оролцогчид нь автоматаар финалд шалгардаг. Мөн өмнөх жилийн ялагч Австрийн дуучин шууд финалд оролцоно.
