Blue Moon арт галерейн гишүүн уран бүтээлч, МУ хөдөлмөрийн хүндэт медальт МУСТА, МУЭ нэрэмжит шагналт зураач С.Энх-амгалангийн “ХАН ХУРМАСТЫН ХҮЛЭГ” 6 дахь бие даасан үзэсгэлэн Blue Moon арт галерейн үзэсгэлэнгийн тахимд 2014.08.06-08.19-ны хооронд дэлгэгдэж та бүхний мэлмийд хүргэхэд бэлэн боллоо.
Зураач маань дүрслэх урлагийн салбарт 26 жил өөрийн бүтээлээ туурвисаар байгаа бөгөөд энэхүү үзэсгэлэнд сүүлийн 5-н жилийн турш туурвисан бүтээлүүдээсээ 50 гаруй бүтээлийг шигшин дээжилж урлагт хайртай та бүхэнд толилуулж байна.
Тэрээр морин жил гарж буйтай холбогдуулан “ХАН ХУРМАСТЫН ХҮЛЭГ” бүтээлээрээ үзэсгэлэнгээ нэрлэсэн бөгөөд түүний уран бүтээлүүдээс солонго адил тэнгэрийн орон мэт өнгөний зохицол нь хүүхдийн гэгээн хүсэл, өөдрөг төсөөлөл өөрийн эрхгүй ажиглагдах ажээ. Урлагт хайртай та бүхэн Уран бүтээлч С.Энх-амгалангийн өнгөлөг ертөнцөд тавтай морилно уу.
Уг үзэсгэлэн 2014 оны 08-р сарын 06-19-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу.
www.URLAG.mn
