Үүлэн чөлөөний наранд бүлээцэн дулаацах нас минь
Үнэн худлын хооронд бүдэгрэх дурсамж
Үгний сайханд хөөгдсөн хиргүй гэгээн сэтгэл
Үүрд гэж амлаагүй ч зуурдхан байгаагүй
Нөхөрлөл эхэлсэндээ биш найзалж яваад яаж дууссандаа
Нөхөж гүйцэшгүй цаг хугацааг хэлнэ
Нэр нэгтэй дуу дуулж өссөн багын тэр өдрүүд
Найз минь чи минь дуулсандаа мэднэ
Тэртээх өдрүүд энүүхэнд харагдана
Тэгээд чи хаана явна даа
Найзлахын үед чи дэргэд хэзээд байсан
Нарыг надтай уралдаж бас өрсөж харсан найз чи
Наслахын хувьсалд чи хажууд минь байсан
Намайгаа өөртэйгээ уусгаж нэгтгэсэн найзаа
Өглөөн нарны хурц туяаг намайг сэрүүлж харуулчаад
Үдшийн шингэх нарнаар чи байсангүй
Өнгийг нь дүрсэлж харахааргүй тэр сайхан нарны
Өрөөсөн цацраг нь гэмтсэнийг би харлаа
Тэртээх өдрүүд энүүхэнд харагдана
Тэгээд чи хаана явна даа
Найзлахын үед чи дэргэд хэзээд байсан
Нарыг надтай уралдаж бас өрсөж харсан найз чи
Наслахын хувьсалд чи хажууд минь байсан
Намайгаа өөртэйгээ уусгаж нэгтгэсэн найзаа
Одоо чи хаана байна анд минь очоод чамайгаа тэврэе
Од харвасан тэр өдөр би нулимсан
Огторгүй харин чамайг надаас далд нуусан
Одоо болтол би андыгаа хайсаар
Тэртээх өдрүүд энүүхэнд харагдана
Тэгээд чи хаана явна даа
Найзлахын үед чи дэргэд хэзээд байсан
Нарыг надтай уралдаж бас өрсөж харсан найз чи
Наслахын хувьсалд чи хажууд минь байсан
Намайгаа өөртэйгээ уусгаж нэгтгэсэн найзаа
