“BigBang” хамтлагийн ахлагч G-Dragon 20 жил хамтран ажилласан “Team GD” багийн менежерүүд болон гол ажилтнууддаа Сөүл хотын үнэтэй бүсэд байрлах тансаг зэрэглэлийн орон сууц бэлэглэсэн нь олон нийтийн анхаарлыг татаж байна.
Тэрбээр “Миний тав тух хоёрдугаарт, харин миний хүмүүсийн орон гэр нэгдүгээрт байх ёстой” гэсэн зарчмыг баримталдаг ажээ.
Өнгөрөгч 2025 онд гэхэд л 65 тэрбум вон (44 сая ам.доллар)-ы орлого олсон түүний үл хөдлөх хөрөнгийн нийт үнэлгээ 56 тэрбум вонд хүрдэг байна. G-Dragon ажилтнууддаа салбарын дунджаас хоёр дахин өндөр цалин олгодог бөгөөд өмнө нь алтан гулдмай, алмаз, үнэтэй бугуйн цаг зэргээр урамшуулж байсан өгөөмөр удирдагч юм.
Мөн тэрбээр 2025 оны аравдугаар сард Өмнөд Солонгосын соёлын гавьяаны хоёр дахь дээд шагнал болох “Окгван” одонгоор энгэрээ мялаасан хамгийн залуу уран бүтээлч болсон билээ.
