Тайландын алдартай загвар өмсөгч, жүжигчин Дом Печтамронгчай 2025 оны гуравдугаар сард жүжигчин, загварын карьераа орхиж, буддын лам болохоор шийджээ. Өдгөө тэрбээр Австрали улсад Пуннадхам хэмээх нэрээр буддын сүмд шавилан амьдарч байна.
Тайланд-Австралийн холимонг цустай, 23 настай тэрбээр Тайландын энтертайнмент салбарт амжилттай ажиллаж, олон загварын шоу болон телевизийн бүтээлд оролцож байсан ч сүүлд нь амьдралын хэв маягаа өөрчлөх ийм нэгэн шийдвэр гаргажээ.
Дом Печтамронгчай хэлэхдээ, өөрийн амьдралыг “их стресс, эмх замбараагүй, эрүүл бус амьдралын хэв маягтай” болсон гэж үзэж, сэтгэл зүйн тайвшрал болон амьдралын зорилгоо олохын тулд лам болохоор шийдсэн байна. Тэрбээр мөн энэхүү шийдвэр нь түр хугацааны ламын амьдрал байж болох бөгөөд цаашид өөр салбарт үргэлжлүүлэн ажиллах боломжтой гэжээ.
