“BigBang” хамтлагийн гишүүн, дуучин Taeyang 2010 онд “Solar”, 2014 онд “Rise”, 2017 онд “White Night” бие даасан анхны цомгуудыг гаргаж байв. Тэгвэл есөн жилийн дараа шинэ цомог болох “Quintessence”-ээ гаргаж, дэлхийн хөгжмийн чартад амжилттай эргэн ирлээ.
“Quintessence” цомог цацагдсан даруйдаа олон улсын сонсогчдын анхаарлыг татаж, iTunes-ийн хэд хэдэн жагсаалтад өндөр байр эзэлсэн байна.
“The Black Label” агентлагийн мэдээлснээр Taeyang-ийн дөрөв дэх бүрэн хэмжээний цомог “Quintessence” тавдугаар сарын 18-нд гарсныхаа дараа iTunes-ын “Worldwide Album Chart”-д тавдугаар байрт орсон байна. Мөн эл цомог нийт 15 улс, бүс нутгийн iTunes чартад эхний хоёр байрт жагсаж байна. Үүнээс, Япон, Тайланд, Дани, Мексик зэрэг есөн оронд нэгдүгээр байр эзэлжээ.
