Монголын хип хоп урлагийн анхдагчдын нэг гэгддэг "Дижитал" хамтлагийн дуучин Г.Эрдэнэбилэг буюу Эркагийн уран бүтээл "Хайр" дууны клипийг хүргэж байна.
Энэ дууны гол санаа нь " Та өөрөө аз жаргалын шувуу болон эргэн тойрон байгаа хүмүүсээ хайраар гэрэлтүүлж амьдрах учиртай" -г өгүүлсэн, уянгалаг сайхан бүтээл болжээ.
"Хайр "
Аз жаргалын шувуухай минь чи нис
Амгалан цэнхэр тэнгэртээ дүүлэн нис
Уйтгарт бодлоос гуниг үргээн байж дуул
Урсах он цагийг хайраар гэрэлтүүл
Дураараа жиргэх шувуу шиг би
Дуулсаар л байна жаргалын тухай
Дахиад ирэхгүй хүүхэд үетэй минь
Даллаад байна тэр аз жаргал намайг
Одот тэнгэрийн доор орчлонг гэрэлтүүлдэг хайр
Олон сар жилийн урсгалд хайр мөнх
Хүмүүс аз жаргалыг хайна
Хүссэн жаргал нь хаана байна
Алдаж онохын цаана хайр мөнх
Алдаж эндэхийн цагт ааваа хүү нь
Алсын алсаас таныгаа л зорилоо
Аргадаж зэмлэсэн үгнээс тань ээжээ
Андуу хорвоог ухаарах юм муу хүү нь
Намайгаа хайрласан чамдаа би хайртай
Навчис гунигаар уйлхад уйтай ч /би чиний л дэргэд байх болно /
Холдон одох цаг хугацаанд анд минь
Харамлаж л явнадаа хамт байсан мөчүүдээ би
Одот тэнгэрийн доор орчлонг гэрэлтүүлдэг хайр
Олон сар жилийн урсгалд хайр мөнх
Хүмүүс аз жаргалыг хайна
Хүссэн аз жаргал нь хаана байна
Алдаж онохын цаана хайр мөнх
Аз жаргалыг би дэндүү алсаас хайдаг байж
Аз жаргал тэгэхэд дэргэд минь байж тэр бол хайр
Мөрөөдөл минь надтай хамт тэр нь миний хайртай хүмүүс
Дүүлэн нисэх эрх чөлөө минь миний амьдрал
Дураараа зугаалах шувуу тэр бол би …
АЗ ЖАРГАЛЫН ШУВУУХАЙ МИНЬ ЧИ НИС ..
www.URLAG.mn
