Улсын филармони нь Олон улсын хүүхдийн эрхийг хамгаалах өдөрт зориулан жил бүр хүүхэд багачуудад зориулсан тоглолт зохион байгуулдаг уламжлалтай.
Энэ жил тус уламжлал шинэ хуудсаа нээж Баянмонгол биг бэндийн уран бүтээлчид хүүхэлдэйн болон анимэ кинонуудын шилмэл хөгжмийг анх удаа тайзнаа амилуулах гэж байна.
Уг тоглолт нь хүүхэд залуучуудад зориулагдсан боловч эцэг эхчүүдийг ч мөн дурсамжаар аялуулах онцгой хөтөлбөрүүдээс бүрджээ. Тухайлбал, “The Incredibles” (“Гайхамшигт гэр бүл”), “Aladdin”, “Monsters, Inc.” (“Мангасуудын ертөнц”), “Super Mario”, “Cowboy Bebop”, “The Mask”, “Star Wars” зэрэг дэлхийд алдартай бүтээлүүдийн хөгжим багтжээ.
Улсын филармонийн энэхүү тоглолт хүүхэд залуусын төсөөлөл, урлагийн мэдрэмжийг хөгжүүлэхээс гадна бүх нийтийн хөгжмийн боловсролыг дэмжих чухал ач холбогдолтой юм.
Тоглолт тавдугаар сарын 30-нд 14:00, 16:00 цагаас Улсын филармонийн концертын танхимд болно.
