Төрийн соёрхолт, “Камертон” хамтлагийн ахлагч, дуучин, продюсер Д.Болд “Bold Remix”, “90’s Love”, “Монгол поп-3”, “Баярлалаа” зэрэг шинэ цомог, пянзаа бэлэн болгоод байна.
Д.Болдын “Хайрын хүч” цомгийн 20 жилийн ой тохиож буй. Эл ойг тохиолдуулан тэрбээр тус цомгийнхоо бүх дууг Vande, ThunderZ гэхчилэн залуу уран бүтээлчидтэй хамтран шинэчлэн сонсогчдодоо хүргэсэн. Тэгвэл эдгээр шинэ хамтралуудаа “Bold Remix” цомог, пянз болгон гаргаж буй аж.
Мөн түүний үүсгэн байгуулсан “В” продакшнаас “Volume 3” цомгийг гаргах бол “440Hz records”-оос Монголын анхны долби атмос дуугаралттай цомгийг гаргахаар бэлэн болгоод байгаа юм байна.
