Төрийн соёрхолт, “Камертон” хамтлагийн ахлагч, дуучин, продюсер Д.Болд “Bold Remix”, “90’s Love”, “Монгол поп-3”, “Баярлалаа” зэрэг шинэ цомог, пянзаа бэлэн болгоод байна. Мөн түүний үүсгэн байгуулсан “В” продакшнаас “Volume 3” цомгийг гаргах бол “440Hz records”-оос Монголын анхны долби атмос дуугаралттай цомгийг гаргахаар бэлэн болгоод байгаа юм байна.
Д.Болдын бие даасан 16 дахь цомог нь “90” Love” нэртэйгээр гарч буй бөгөөд эл цомог CD, пянз, хуурцаг хэлбэртэйгээр сонсогчдын гарт хүрэх аж.
Тэрбээр эл цомгийнхоо эхний уран бүтээл “Амьдарч байна чамаараа” нэртэй дуугаа өнгөрсөн лхагва гараг /2026.06.10/-т олны хүртээл болгосон юм.
