Холливудын од Брэд Питт өмнөх эхнэр Женнифер Энистондоо урьдын адил хайртай хэвээр хэмээн Холливудын зөнч мэдэгдэв. Өөрийнх нь өгүүлж байгаагаар бол Холливудын жүжигчин Брэд Питтэй олон жил үерхэж байгаа гэх Рон Бард гэдэг зөнч эр шуугиан тарьсан мэдэгдэл хийсэн байна. Мань хүний хэлснээр бол нэрт жүжигчин эр Женнифер Энистонд хайртай хэвээрээ байгаа гэнэ шүү.
Түүнийг Питтэй Энистон бүсгүй өөрөө олон жилийн өмнө танилцуулжээ. Тэгэхэд Рон Питтэд нэг жилийн дараа болох зураг авалтын үеэр мань хүн өөрийнх нь амьдралыг орвонгоор нь эргүүлэх хүнтэй учирна гэж зөгнөсөн аж. Түүний хэлснээр болжээ. Нэг жилийн дараа “Ноён, хатагтай Смит” киноны зураг авалтын үеэр Питт Анжелина Жолитой учраад эхнэрээ түүний төлөө хаясан билээ. Гэхдээ Рон Питт одоогийн хамтран амьдрагчдаа огт хайргүй хэмээн хэлэв.
Тэр зүгээр л зургаан хүүхдийнхээ төлөө түүний дэргэд байгаа гэнэ. Энэ нь жүжигчин эрийн хувьд эмэгтэйчүүдтэй байгуулах харилцаанаас илүү чухал байж. Одоогоор Брэд Питт өөрийн хуучны танилын хэлсэн үгийг ямар нэг байдлаар тайлбарласангүй. Түүний үнэн үг хүмүүст төдийгүй одоогийн эхнэр, хүүхдүүдэд нь сонин байх болов уу.
Эх сурвалж www.wikimon.mn