Холливуудын жүжигчин Женнифер Энистон “Найзууд” цувралын хамтран тоглогч, дотнын найз асан Мэттью Перрид олон жилийн өмнө бичсэн хувийн захидлыг дуудлага худалдаанд оруулах гэж байгааг мэдээд эсэргүүцэл илэрхийлжээ.
“Radar Online”-ийн эх сурвалжуудын мэдээлснээр, уг захидлыг Мэттью Перригийн бусад эд зүйлсийн хамт худалдаанд гарахаар төлөвлөгдөж байсан байна. Гэвч Женнифер Энистон үүнийг мэдсэн даруйдаа жүжигчний өв хөрөнгийг хариуцаж буй хүмүүстэй холбогдож, захидлыг худалдаанаас авахыг шаарджээ.
Женнифер Энистон ийм хувийн шинжтэй дурсамжийг цуглуулгын эд зүйл мэт худалдах гэж байгаад цочирдсон бөгөөд ьүүний хувьд ойр дотнын хүнд чин сэтгэлээсээ бичсэн үгс олон нийтийн хэрэглээ, худалдааны зүйл болох ёсгүй гэж үзжээ. Захидлыг Женнифер Энистон “Найзууд” цувралын арван улирлын зураг авалт дуусах үед бичсэн Мэттью Перрид зориулан бичсэн аж.
Жүжигчин Женнифер Энистон Мэттью Перриг 2023 онд таалал төгсөх хүртэл олон жилийн турш хамгийн ойрын хүмүүсийн нэг байж, түүнийг амьдралынх нь хүнд үеүдэд дэмжиж ирсэн найз нь байсан бөгөөд Мэттью Перри ч өөрөө Женнифер Энистоны үнэнч нөхөрлөл, түүний халамжид олон удаа талархаж байжээ.
Женнифер Энистонтой ярилцсаны дараа дээрх захидлыг дуудлага худалдаанаас хасаж, эзэнд нь буцаан өгсөн байна.
