“Amazon Prime Video” 2001 онд гарсан, олон хүний хайртай “Legally Blonde” киноны өмнөх үйл явдлыг өгүүлэх “Elle” нэртэй телевизийн цувралыг үзэгчдэд хүргээд буй. Гэвч шүүмжлэгчдийн үнэлгээ хоёр туйлд хуваагдсан байна. Ихэнх нь сөрөг үнэлгээ өгсөн бол зарим нь хөгжилтэй, үзэхэд таатай цуврал хэмээн магтжээ.
Цувралын үйл явдал 1995 онд өрнөнө. Гол дүр болох Элл Вүүдс ахлах сургуулийн сурагч байх үеийг харуулдаг. Түүний гоо сайхны мэс засалч аав нэгэн алдартанд хамрын хагалгаа хийхдээ бүтэлгүйтсэний улмаас гэр бүл нь Калифорнийн нарлаг орчноос Сиэтл хот руу нүүхээс өөр аргагүй болдог. Ингэснээр Элл шинэ сургууль, шинэ найз нөхөд, хайр дурлал болон өсвөр насны олон асуудалтай нүүр тулна.
Анхны “Legally Blonde” (2001) кино нь “эмэгтэйлэг, эелдэг байхын зэрэгцээ ухаалаг, амжилттай байж болно” гэсэн санаагаараа тухайн үедээ соёлын томоохон үзэгдэл болсон юм. Мөн уг кино жүжигчин Риз Уизерспуныг Холливуeдын том од болгосон.
“Elle” цувралын гол дүрийг жүжигчин Лекси Минитри бүтээсэн бөгөөд Риз Уизерспун продюсероор ажиллажээ.
